նախընտրելի դարձնելԿանադայի դատարանը չեղարկել է Սիսակ Խուդավերդյանին առաջադրված մեղադրանքը, որը կալանավորվել է Մոսկվայից Լոս Անջելես թռչող Aeroflot ռուսական ընկերության օդանավի սրահում անզուսպ պահվածքի համար:
Փետրվարի 7-ին կայացած դատական նիստում դատարանը չեղարկել է մեղադրանքը, հայտնում է «Times Colonist»-ը:
36-ամյա Սիսակ Խուդավերդյանը կալանավորվել է Կանադայի Իկալիուտ քաղաքի օդանավակայանում օդանավի հարկադիր վայրէջքից անմիջապես հետո եւ արդեն 70 օր կալանքի տակ է: Խուդավերդյանին մեղադրում են օդանավի եւ ուղեւորների անվտանգությունը սպառնալիքի տակ դնելու, նաեւ հասարակական կարգը խախտելու համար:
Մեղադրյալը նախկինում հայտարարել է, որ անմեղ է: Մեղավոր ճանաչվելու դեպքում նրան 100 հազար դոլարի տուգանք եւ մինչեւ 5 տարվա ազատազրկում է սպառնում կամ՝ 25 հազար դոլարի տուգանք եւ մինչեւ 18 ամսվա բանտարկություն, եթե դատավճիռն ընդունվի ատենակալների բացակայությամբ:
