Միացյալ Նահանգների նախագահ Դոնալդ Թրամփը «նողկալի» է անվանել ներգաղթի վերաբերյալ իր հրամանագրի կասեցումը հաստատող վերաքննիչ դատարանի որոշումը, հաղորդում է ՌԻԱ Նովոստին։

Սան Ֆրանցիսկոյի վերաքննիչ դատարանը հինգշաբթի ուժի մեջ էր թողել Սիեթլի դաշնային դատարանի որոշումը՝ կասեցնել մահմեդական 7 երկրներից Միացյալ Նահանգներ ներգաղթյալների մուտքը ժամանակավորապես արգելող հրամանագիրը։

«Նողկալի որոշում», – գրել է Թրամփը թվիթերյան իր էջում։

Նա նաեւ հղում է տեղադրել է Բրուքինգսի ինստիտուտի գիտաշխատող Բենջամին Ուիթսի հոդվածին, որի կարծիքով դատարանը չափազանց ընդհանրական  մեկնաբանություն է տվել նախագահի իշխանությունը սահմանափակող սահմանադրական նորմին։