նախընտրելի դարձնելԵթե մինչեւ փետրվարի 23-ը Վերահսկիչ պալատի նախկին նախագահ Իշխան Զաքարյանը հետ չվերցնի հրաժարականի դիմումը, ապա Ազգային ժողովը կքննարկվի ՎՊ նոր նախագահ ընտրելու հարցը: Այս մասին NEWS.am-ի հետ զրույցում ասել է ՀՀԿ փոխնախագահ Էդուարդ Շարմազանով:
«Օրենքի համաձայն՝ մինչեւ փետրվարի 23-ը Իշխան Զաքարյանը կարող է հետ վերցնել հրաժարականի դիմումը, եթե չվերցնի, հավանական եմ համարում, որ հաջորդ քառօրյայում քննարկենք ՎՊ նոր նախագահի ընտրության հարցը»,- ասել է Շարմազանովը:
Հիշեցնենք, որ Իշխան Զաքարյանը այդ պաշտոնից հրաժարական տվեց՝ հիմնավորելով, որ գնում է կանգնելու իր ընկեր Գագիկ Ծառուկյանի կողքին: Նա այժմ ղեկավարում է ԲՀԿ նախընտրական շտաբը եւ, նախնական տեղեկություններով, ԲՀԿ համապետական ցուցակի 2-րդ հորիզոնականում է:
