նախընտրելի դարձնելԱրագածոտնի մարզի Շամիրամ գյուղի սգո սրահում այսօր՝ օգոստոսի 1–ին, սպանված քաղաքացիները տղամարդիկ են։ Այս մասին դեպքի վայրից հայտնում է NEWS.am–ի թղթակիցը։ Սպանվածների ինքնությունը հայտնի է։ Մահացածների թիվը հասել է չորսի։ Շամիրամի գյուղապետ Մրազ Բրոյանը NEWS.am–ի հետ զրույցում հայտնել է սպանվածների անունները՝ Ամո Խուդոյան, Զորո Օզմանյան, Աղասի Քալոյան, Ամրո Օզմանյան (ֆոտոռեպորտաժ)։
Մեր թղթակցի հետ զրույցում դեպքի ականատես Տոսուն Քալաշյանը մանրամասներ է հայտնել։
«Սրահում «խեր» արարողություն էր, ներս մտավ էդ մարդը առանց նայելու, սկսեց բոլորի վրա կրակել, չենք հասցրել անգամ հասկանալ՝ ինչ է տեղի ունեցել, նա կրակել ու դուրս է եկել, ասում են նիվայով ա եղել»,–պատմել է ականատեսը։
