Նախընտրելի
Հայաստանի ազգային վիճակագրական ծառայությունը հրապարակել է սպառողական գների ինդեքսը ընթացիկ տարվա հունվար-նոյեմբեր ամիսների համար:
Սպառողական գների ընդհանուր ինդեքսը նշված ժամանակահատվածում նախորդ տարվա համեմատ աճել 8,1 տոկոսով: Նշենք, որ տվյալ ցուցանիշի առավելագույն մակարդակ գրանցվել է հունվար-մարտին՝ 8,4 տոկոս, իսկ հունվար-հոկտեմբեր ամիսներին ցուցանիշը կազմել է 7,9 տոկոս:
Գնաճին հիմնականում նպաստել են սննդամթերքի գները՝ աճը կազմել է 8,8 տոկոս, կոշիկը եւ հագուստը՝ 11,7 տոկոս, նաեւ բնակվարձերը՝ 11,2 տոկոս:
Առանձնակի թանկացել են մսաթերքը՝ 14,7 տոկոս, ձկնամթերքները՝ 12,3, մրգերը՝ 13 տոկոս, բանջարեղենն ու կարտոֆիլը՝ 24,6 տոկոս, շաքարը՝ 20,8 տոկոս:
