նախընտրելի դարձնելԱՄՆ նախագահ Դոնալդ Թրամփը հայտարարել է, որ Նյու Յորքում ահաբեկչությունն իրականացնողը հոգեպես անհավասարակշիռ մարդ է, փոխանցում է Gazeta-ն:
«Նյու Յորքում ահաբեկչությունն իրականացրել է, ըստ երեւույթին, հիվանդ եւ հոգեպես անհավասարակշիռ մարդ»,- «Թվիթերում» գրել է ԱՄՆ նախագահը:
Donald J. Trump In NYC, looks like another attack by a very sick and deranged person. Law enforcement is following this closely. NOT IN THE U.S.A.!
Տղամարդը, ում կասկածում են Նյու Յորքում ահաբեկչությունն իրագործելու մեջ, Uber ընկերությունում վարորդ է աշխատել:
Հոկտեմբերի 31-ին ցրեկը Մանհեթենում տղամարդն ավտոմեքենայով վթարի է ենթարկել մի քանի մարդու, այնուհետեւ հրաձգություն սկսել: Հարձակվողին ոստիկանները ձերբակալել են: Տեղի ունեցածի հետեւանքով 8 մարդ զոհվել է, ավելի քան 10-ը տարբեր վնասվածքներ ստացել:
Լրատվամիջոցների տեղեկություններով՝ ահաբեկչությունն իրականացրել է 29-ամյա ուզբեկ Սեյֆուլո Սաիպովը, որն ԱՄՆ է եկել 2010 թվականին: Իրավապահ մարմիններում աղբյուրը հայտնել է, որ մարդկանց վրաերթի ենթարկած տղամարդը մեքենայի մեջ գրություն է թողել այն մասին, որ հարձակումն իրականացնում է «Իսլամական պետություն» խմբավորման անունից:
