ՆախընտրելիՆոյեմբերի 2-ին Կատալոնիայի ժեներալիտատի նախկին փոխվարչապետ Ուրիոլ Ժունկերասը եւ կատալոնական կառավարության ազատված անդամները հարցաքննության են ներկայացել Մադրիդի Ազգային դատարան: Նրանց ապստամբության համար մեղադրանք կարող է առաջադրվել:
Կատալոնիայի կառավարության նախկին ղեկավարը եւ Բելգիայում գտնվող չորս նախարարները հրաժարվել են դատարան ներկայանալուց, հաղորդում է RFI-ն:
Ընդհանուր առմամբ, Ազգային դատարան հարցաքննության են կանչել ժեներալիտետի 14 ազատված անդամներ:
Սակայն հինգը չեն ներկայացել դատարան, այդ թվում տարածաշրջանային կառավարության նախկին ղեկավար Կառլես Պուչդեմոնը:
Մեղադրող կողմը դատարան ներկայացած 9 անդամներից 8-ի նկատմամբ խնդրել է խափանման միջոց նշանակել կալանավորումը:
Որոշ ժամանակ անց Իսպանիայի Գերագույն դատարան են ներկայացել խորհրդարանի 5 նախկին պատգամավորները: Սակայն դատարանը փաստաբանների խնդրանքով հետաձգել է նրանց հարցաքննությունը մինչեւ նոյեմբերի 9-ը:
Գլխավոր դատախազը դատարանին խնդրել է նրանց պետական միջոցների հափշտակության եւ ապստամբություն ձեռնարկելու մեջ մեղադրել: Վերջին հոդվածի համաձայն՝ նախատեսվում է մինչեւ 30 տարի ազատազրկում:
