նախընտրելի դարձնելԼիբանանյան եւ պաղեստինյան հանրության ցույցը կայացել է ԱՄՆ դեսպանատան մոտ՝ Ավքարում՝ Բեյրութի մերձակայքում: Al Mayadeen հեռուստակայանը փոխանցում է, որ ցույցի մասնակիցները քննադատել են ԱՄՆ նախագահ Դոնալդ Թրամփի՝ Երուսաղեմն Իսրայելի մայրաքաղաք ճանաչելու որոշումը:
Կոմունիստների ու ձախ կուսակցությունների կազմակերպած ցույցը վերաճել է ոստիկանության հետ բախումների, որն ամբոխը ցրելու համար արցունքաբեր գազ է կիրառել: Տուժել է երկու մարդ:
Ցուցարարները մի քանի անգամ փորձել են մոտենալ դեսպանատան լավ պաշտպանված շենքին եւ սկսել են ոստիկանների վրա քարեր նետել: Նրանք այրել են Իսրայելի դրոշն ու Թրամփի լուսանկարով խրտվիլակը:
Լիբանանի կոմունիստական կուսակցության գլխավոր քարտուղար Հաննա Գորեյբը, ցույցի ժամանակ ելույթ ունենալով, Վաշինգթոնի վարչակազմին մեղադրել է «Լիբանանում պաղեստինցի փախստականների տարաբնակեցման» շուրջ ծրագրեր ունենալում:
«ԱՄՆ-ն ցանկանում է պաղեստինցիներին զրկել հայրենի օջախներ վերադառնալու օրինական իրավունքից,- հայտարարել է նա:
«Շատ մարդիկ են տուժել գազից, հիմնականում խեղդվել են: Առայժմ դեռ տուժածների թվի ստույգ տվյալների չենք տիրապետում: Սա մեր դիրքորոշման ցուցադրությունն է Թրամփի որոշման դեմ եւ նաեւ ԱՄՆ ողջ քաղաքականության դեմ՝ հավատարիմ Իսրայելին»- հավելել է Լիբանանի կոմունիստական կուսակցության քաղաքական բաժնի անդամ Օմար Դիբը:
