նախընտրելի դարձնել
Մյասնիկյանի արձանին հարակից պուրակի տարածքը բարեկարգված կլինի երեք ամսվա մեջ։ Այդ մասին հայտնել է Երեւանի գլխավոր ճարտարապետ Տիգրան Բարսեղյանը։
««Վարդանյան ընտանիք» բարեգործական հիմնադրամը իր յուրօրինակ նվերն է մատուցում մայրաքաղաքին՝ նվիրելով Երեւանի 2800-ամյակի այգի։ Ամեն ինչ ընթանում է նախատեսված ժամանակացույցով, եւ սեպտեմբերին Երեւանն ունենալու է բարեկարգ եւ ժամանակակից լուծումներով մի այգի, որը միայն ու միայն ծառայելու է հենց հանգստի ու զբոսանքի նպատակով։
Կարծես թե այս գեղեցիկ նվերը պիտի միայն երախտիքի զգացմունք առաջացներ մարդկաց մոտ, եւ, համոզված ենք, որ այդպես էլ կա, հիմնականում, սակայն, կրկին ու կրկին սեփական ինչ-ինչ շահերը վեր դասող որոշ մարդիկ փորձում են սեւացնել արվող աշխատանքը եւ շինարարական, տվյալ դեպքում, հողային աշխատանքի լուսանկարները ներկայացնում են որպես բնության ավիրում եւ այլն։
Միայն ներկայացվող նախագծի հպանցիկ դիտարկումը արդեն իսկ կարող է փարատել մեր համաքաղաքացիների մտահոգությունը այգու կանաչ տարածքների եւ ծառերի առկայության առումով, իսկ ուրարտյան ժամանակի զարդանախշերով սալահատակն ու ժամանակակից լուծումներով շատրվանների շքեղությունը հնարավոր կլինի գնահատել միայն դրանք գործարկելուց հետո։
Սպասելու ենք ընդամենը 3 ամիս։
Եղեք համբերատար եւ լավատես։
Ամեն ինչ արվում է ի շահ երեւանցու եւ մեր սիրելի Երեւանի»,- նշել է նա։
Հ.Գ. Նախագծի լուսանկարը սիրողական է եւ արված է սեղանիս վրա դրված թղթերից:
