Հունիսի 2-ին, ժամը 23.00-ին, ոստիկանության Երեւան քաղաքի վարչության օպերատիվ կառավարման կենտրոնից Արաբկիրի բաժնում հաղորդում է ստացվել, որ իրենց է զանգահարել անհայտ քաղաքացի եւ հայտնել, որ Փափազյան փողոցի եւ Կոմիտասի պողոտայի խաչմերուկում դանակահարություն է կատարվել:

Մեկնած օպերատիվ խումբը նշված վայրից բերման է ենթարկել եղբայրներ՝ 1984 թ. ծնված Արթուր Բ.-ին եւ 1986 թ. ծնված Մնացական Բ.-ին:

Մնացական Բ.-ն հայտնել է, որ նույն օրը, ժամը 22.50-ին, վիճաբանության ժամանակ դանակով հարվածել է մի անծանոթ երիտասարդի, որը դիմել է փախուստի:

Հունիսի 3-ին, ժամը 4.40-ին, հիվանդանոցից ոստիկանության Արաբկիրի բաժին հաղորդում է ստացվել, որ «գոտկային շրջանի կտրած-ծակած վերք» ախտորոշմամբ բուժօգնության է դիմել 2000 թ. ծնված մի երիտասարդ: Նա հայտնել է, որ վնասվածքը ստացել է Կոմիտասի պողոտայի եւ Փափազյան փողոցի խաչմերուկում՝ անհայտ անձի կողմից:

Պարզվել է, որ հունիսի 2-ին, ժամը 22.50-ին, նշված խաչմերուկի մոտ տեղի ունեցած վիճաբանության ժամանակ հիշյալ երիտասարդին եւ նրա ընկերոջը (2000 թ. ծնված) հարվածել եւ վնասվածքներ է պատճառել Մնացական Բ.-ն:

Նշանակվել են ԴԲՓ-ներ:

Կատարվում է քննություն: