նախընտրելի դարձնել
Հարավային Կորեայի իշխանությունները գերմանական BMW ավտոկոնցեռնին տուգանել են 11.2 մլրդ վոնով (9.93 մլն դոլար) խափանումը չվերցնելու համար, որի հետեւանքով գրանցվել են այս մակնիշի տրանսպորտային միջոցների այրման բազմաթի դեպքեր, հայտնում է ՏԱՍՍ–ը։
Նրա տվյալներով՝ այս տարվա ընթացքում Հարավային Կորեայում գրանցվել է BMW ավտոմեքենաների շարժիչների բռնկման շուրջ 40 դեպք, որը ստիպել է ավտոկոնցեռնին օգոստոսին հանրապետության տարածքից հետ կանչել 100 հազար մեքենա։ Անկախ փորձագետներից եւ պետական ծառայողներից բաղկացած պետական տարածքների, ենթակառուցվածքների եւ տրանսպորտի նախարարության հանձնաժողովը պարզել է, որ մեքենայում բռնկումը տեղի է ունենում արտանետվող գազի կարգավորման համակարգում խափանման պատճառով։
Մասնավորապես, խնդիրները առաջանում են սառեցնող հեղուկի արտահոսքի եւ շարժիչի անորակ փականի պատճառով։ Նախարարությունը պարտավորցրել է ընկերությանը փոխարինել անորակ պահեստամասերը, վճարել տուգանք եւ հետագայում գազի կարգավորման համակարգում ստուգումներ անցկացնել։ բացի այդ, գերատեսչությունը գործը փոխանցել է դատախազություն քրեական հետաքննություն անցկացնելու համար։
