Մեկնարկել է գերմանական Կառլ Ֆրիդրիխ Գոերդելեր քոլեջի «Արդյունավետ կառավարում» ծրագիրը:

Կառլ Ֆրիդրիխ Գոերդելեր քոլեջի Արդյունավետ կառավարման ծրագրից հայտնում են, որ այն միամյա մասնագիտական ուսուցման ծրագիր է բոլոր նրանց համար, ովքեր ներգրավված են կառավարման, բիզնեսի եւ քաղաքացիական հասարակության մեջ եւ բարեգործական ծրագրեր իրականացնելու գործում: Քոլեջի մեկ ուսումնական տարվա ընթացքում մասնակիցները երեք անգամ մասնակցում են սեմինարների եւ իրականացնում իրենց սեփական արդյունավետ կառավարման ծրագիրն իրենց իսկ հայրենիքում: Արդյունավետ կառավարման Գոերդելեր քոլեջը Ռոբերտ Բոշ հիմնադրամի ծրագիրն է, որը համագործակցում է արտաքին քաղաքականության գերմանական ընկերակցության հետ: (DGAP)

Ծրագրը ղեկավարում է Եվրոպական հանձնաժողովի փոխնախագահ`պրոֆեսոր Գյունթեր Ֆերհոյգենը:

Ի՞նչ է առաջարկում Քոլեջը մասնակիցներին

- լավ կառավարման, ենթակառուցվածքային համագործակցության եւ նորարարության կառավարման վերաբերյալ ակադեմիական ու պրակտիկ ուղղվածության դասընթացներ

- քաղաքականության, տնտեսության եւ հասարակական կազմակերպությունների մասին բացառիկ պատկերացումներ

- միջազգային կապերի ամրապնդում եւ փորձի փոխանակում այլ կազմակերպությունների հետ

- վերապատրաստում, սեփական ծրագրերի կառավարում եւ նորարարական հմտությունների ձեռք բերում, ինչպես նաեւ ծրագրի կառավարման նոր հմտություններ

- փորձառու ղեկավարի աջակցությամբ սեփական կառավարման նախագծի իրականացում

Սեմինարը ընթանալու է գերմաներենով:

Մասնակցությունն անվճար է: Ծրագրի մասնակիցների բոլոր ծախսերը հոգում է քոլեջը:

Ո՞վ կարող է դիմել

Հայաստանի, Ադրբեջանի, Բելառուսի, Վրաստանի, Մոլդովայի, Ռուսաստանի, Թուրքիայի եւ Ուկրաինայի տարբեր առաջատար պաշտոններ զբաղեցնող ղեկավարները կարող են դիմել այս ծրագրին: Դուք պետք է ունենաք պատասխանատու պաշտոնում աշխատելու փորձ եւ հմտություն, ինչպես նաեւ ներկայացնեք նորարարական գաղափարներ եւ լավ տիրապետեք գերմաներենին:

Ծրագրին դիմելու վերաբերյալ այլ տեղեկություն կարող եք գտնել www.goerdeler-kolleg.de կայքէջում եւ Facebook-ի միջոցով:

Հայտերի ընդունման վերջնաժամկետը` 2019թ. փետրվարի 18

Ծրագրի տեւողությունը` 2019թ. օգոստոս-2020թ. օգոստոս

Ծրագրի համակարգող Գերմանիայում` Քլեր Լուիզա Լայֆերտ (+49 30 254231-92, [email protected])

Ծրագրի համակարգող Հայաստանում` Գայանե Սահակյան 093 03-77-11

[email protected]

Ծրագրի կազմակերպման պատասխանտու Հայաստանում՝ Արմինե Խաչատրյան 077 77 00 36