Եվրասիական տնտեսական միությունը կայացել է  5 տարվա ընթացքում՝ նրա ստեղծման մասին համաձայնագրի ստորագրումից հետո: Նուր Սուլթանում կայացած Բարձրագույն Եվրասիական տնտեսական խորհրդի նիստից հետո այս մասին հայտարարել է  ԵՏՀ կոլեգիայի նախագահ Տիգրան Սարգսյանը:

«Առաջին 5 տարիները  գնահատվել են որպես բարեհաջող: Միությունը կայացել է: Որպես անդրազգաային մարմին կայացել է հանձնաժողովը: Այդ մասին վկայում է միջազգային ճանաչումը: Բայց իհարկե, դեռ շատ աշխատանք կա, որը պետք է բարձրացնի մեր գործունեության արդյունավետությունը», - ասել է  Սարգսյանը:

Նիստի ընթացքում նա ուշադրություն է հրավիրել  թվային օրակարգի իրականացման խնդրին, որի մասին շեշտվել է պետությունների ղեկավարների բազմաթիվ ելույթներում: Սարգսյանը նշել է, որ առաջին անգամ Եվրասիական տնտեսական միության շրջանակներում նման թվային օրակարգ է մշակվել, որը ԵՏՄ երկրներին լիարժեք հնարավորություն է տալիս հավասար իրավունքներով  իրականացնել իրենց թվային ինքնիշխանությունը:

«Այն 10 նախագծերը, որոնք մենք գործարկում ենք եւ այն էկոհամակարգը, որը մենք ձեւավորում ենք, յուրատեսակ հնարավորություն է տալիս մեր երկրներին լինելու ոչ միյան տեխնոլոգիական եւ տեխնիկական լուծումների օգտագործող, որոնք առաջարկում են գլոբալ անդրազգային ընկերությունները, այլեւ ունենալ սեփական թվային արտադրանքը, որը վերաբերում է մեր միության տնտեսական գործունեության բոլոր ոլորտներին», -նշել է նա: