նախընտրելի դարձնել
Քանի որ Չինաստանի եւ ԱՄՆ-ի միջեւ առեւտրային պատերազմը շարունակվում է, սակագնային ճակատամարտը շարունակում է լուրջ վտանգ ներկայացնել շուկաների համար:
BNP Paribas-ի տնտեսագետի խոսքով, կողմերն ի վերջո ժամանակավոր գործարք կկնքեն, բայց իրենցից հետո կթողնեն «սառը տեխնո-պատերազմ»:
Ամերիկյան առեւտրային ներկայացուցիչները շուտով բանակցությունների համար կմեկնեն Չինաստան, քանի որ աշխարհի երկու խոշորագույն տնտեսությունները փորձում են գործարք կնքել, հայտնել են CNBC-ի աղբյուրները:
«Ամենայն հավանականությամբ, մենք առաջիկա ամիսներին ժամանակավոր համաձայնություն կստանանք», -ասել է BNP Paribas-ի ավագ տնտեսագետ Չի Լոն:
Նրա խոսքով, եթե Պեկինը եւ Վաշինգտոնը կարող են պայմանավորվել ժամանակավոր գործարքի մասին, նրանք կարող են հող նախապատրաստել խնդրահարույց հարցերի վերաբերյալ ավելի երկարատեւ բանակցությունների համար:
ԱՄՆ նախագահ Դոնալդ Թրամփը սակագներն օգտագործում է որպես գործիք առեւտրի հետ կապ չունեցող հարցերի լուծման համար, այդ թվում ազգային անվտանգության խնդիրների եւ տեխնոլոգիաների փոխանցման սպռնալիքների:
Լոն նշել է, որ հաշվի առնելով ժամանակավոր համաձայնագրի սպասումը շարունակվող առեւտրային պատերազմը այլեւս այդպիսի մեծ ազդեցություն չի ունենա առաջիկա ամիսներին մակրո ռիկսի վրա շուկայի փոփոխականության տեսանկյունից:
Սակայն առեւտրային վեճի հետեւանքները կպահպանվեմ եւ կվնասեն տեխնոլոգիաներին, կարծում է փորձագետը:
Նա կանխատեսել է, որ տեխնոլոգիական հատվածում տարաձայնությունները առաջիկա ամիսներին կամ անգամ առաջիկա տարիներին հավանաբար «ավելի սառը» կդառնան:
«Ապագայում տեխնոլոգիական հատվածն ավելի կենտրոնացվաած կլինի առեւտրային պատերազմի ռիկսի վրա:
Սակայն այդ ժամանակ առեւտրային պատերազմի ընդհանուր ռիկսի նկատմամբ շուկայի զգայունությունը կարող է մարել», - ասել է տնտեսագետը:
Չորեքշաբթի Պենտագոնի ղեկավարը հայտնել էր, որ ԱՄՆ-ի եւ Չինաստանի առեւտրային պատերազմը վերաբերում է ինչպես ազգային անվտանգությանը, այնպես էլ տնտեսությանը:
«Ես բավականին վաղուց եմ ուսումնասիրում Չինաստանը եւ ես շատ լավ եմ հասկանում Չինաստանին», - Պենտագոնում լրագրողներին ասել է պաշտպանության նախարար Մարկ Էսպերը, երբ նրան հարցրել են Վաշինգտոնի եւ Պեկինի միջեւ հակամարտության էսկալացիայի մասին:
Վաշինգտոնի համար ազգային անվտանգության սպառնալիքի ցուցակի վերին մասում չինական տեխնիկական հսկա Huawei-ի հետ վեճն է, որը 5G տեխնոլոգիա ունի:
Տվյալների մեծ ծավալների եւ Համացանցի դարում 5G անլար ցանցերի ներդնումը համարվում է աշխարհի երկու խոշորագույն տնտեսությունների միջեւ տեխնոլոգիական ճակատամարտի գլխավոր բաղադրիչներից:
«Եթե տեխնիկական հատվածում սառը պատերազմը շարունակվի, կարծում եմ, որ հնարավոր ուղղություններից է տեխնոլոգիական ոլորտում համանման զարգացումը...Մի կողմից Ասիայում կլինի համակարգ Չինաստանի գլխավորությամբ կամ Չինաստանի դաշինք, մյուս կողմից՝ ԱՄՆ կամ արեւմտյան զարգացած երկրների գլխավորությամբ, արեւմտյան դաշինք»:
