Ղրղզստանի ուժային կառույցների աշխատակիցները ձերբակալել են երկրի նախկին նախագահ Ալմազբեկ Աթամբաեւին, հաղորդում է «Ինտերֆաքս»-ը՝ հղում անելով April հեռուստաալիքին:

Հեռուստաալիքի տեղեկություններով՝ Աթամբաեւին հանել են տնից եւ տարել անհայտ ուղղությամբ: Ուժային կառույցների աղբյուրը «Ինտերֆաքս»-ին հայտնել է, որ Աթամբաեւին տարել են ուղղաթիռով:

Ղրղզստանի Ազգային անվտանգության պետական կոմիտեի մամուլի ծառայությունը պարբերականին հայտնել է, որ օպերացիայի ընթացքում հատուկջոկատայինները մարտական զենք չեն կիրառել, նրանք միայն ռեզինե փամփուշտներ են ունեցել: Այժմ օպերացիան շարունակվում է:

Ավելի վաղ հայտնի է դարձել Աթամբաեւի տան գրոհման մասին: Շենքում գտնվում են նախկին նախագահի աջակիցները, որոնցից մի քանիսը վնասվածք է ստացել: Ականատեսները հայտնել են 10 վիրավորի մասին: