նախընտրելի դարձնել
Ֆրանսիայի նախագահ Էմանուել Մակրոնը հայտարարել է, որ ՆԱՏՕ-ի «ուղեղի մահվան» մասին իր արտահայտությունը ազդանշան էր դաշինքն արթնացնելու համար, հաղորդում է Reuters-ը:
«Հարցերը, որոնք ես ուղղել եմ, բացահայտ հարցեր են, որոնք մենք դեռեւս չենք լուծել»,- ասել է նա ՆԱՏՕ-ի գլխավոր քարտուղար Յենս Ստոլտենբերգի հետ համատեղ ասուլիսի ժամանակ:
«Եվրոպայի խաղաղությունը, Միջին եւ փոքր հեռահարության հրթիռների ոչնչացման մասին պայմանագիրը, Ռուսաստանի հետ հարաբերությունները, թուրքական հարցը: Ո՞վ է թշնամին: Քանի դեռ այդ հարցերը լուծված չեն, եկեք բանակցություններ վարենք ծախսերը համատեղ բաշխելու համար: Կամ մեկը կամ մյուսը: Այնպես որ, մեզ բոլորիս արթնացման ազդանշան է պետք: Ուրախ եմ, որ այն տեղի է ունեցել, եւ ուրախ եմ, որ բոլորը մտածում են այն մասին, ինչի մասին մենք պետք է մտածենք՝ մեր ռազմավարական նպատակների մասին»,- ասել է Մակրոնը:
