նախընտրելի դարձնել
Երեւանի քաղաքապետ Կարեն Կարապետյանը հանդիպել է մասնավոր այցով Երեւանում գտնվող Նիժնի Նովգորոդի քաղաքապետ Օլեգ Սորոկինի հետ:
Քաղաքապետարանի մամուլի ծառայությունից NEWS.am-ին հայտնում են, որ Կարեն Կարեպետյանն ընդգծել է ,որ քաղաքապետարանը նպատակ ունի փոխշահավետ համագործակցություն ծավալել գործարար ոլորտի ներկայացուցիչների հետ:
«Բիզնես տրամաբանություն ունեցող ոլորտների մասնավոր կառավարման արդյունքում ոչ միայն կշահեն կոնկրետ ուղղությունները, այլ նաեւ բյուջեից խնայված զգալի միջոցները կուղղվեն սոցիալական, բնապահպանական, կրթական եւ այլ ոլորտներ»,- նշել է Կարեն Կարապետյանը եւ հավելել, որ քաղաքապետարանը բաց է ցանկացած համագործակցության, որն ուղղված է մայրաքաղաքի զարգացմանը:
Օլեգ Սորոկինը Կարեն Կարապետյանին է ներկայացրել քաղաքային տնտեսության կառավարման ոլորտում վերջին տարիների իրենց փորձը: Խոսելով շուրջ 35 հազարանոց հայկական համայնքի մասին, Օլեգ Սորոկինը նշել է, որ այն ակտիվ ներգրավված է քաղաքի տնտեսական եւ մշակութային կյանքում : Ներկայում համայնքի հնարավորություններվ հայկական եկեղեցի է կառուցվում:
Կողմերը մտքեր են փոխանակել նաեւ կոմունալ տնտեսության, առողջապահության, տրանսպորտի եւ կրթության ոլորտներում իրականացվող ծրագրերի վերաբերյալ: Երեւանի եւ Նիժնի Նովգորոդի քաղաքապետերը քննարկել են նաեւ հնարավոր համագործակցության հեռանկարները:
