նախընտրելի դարձնել
Հայաստանի նախագահի մամուլի քարտուղար Արմեն Արզումանյանի պատասխանը NEWS.am-ի հարցին:
Մեկնելո՞ւ է արդյոք ՀՀ նախագահը Ստամբուլ, եւ արդյոք հանդիպելու է Թուրքիայի իշխանությունների հետ:
Եթե Դուք նկատի ունեք ՄԱԿ-ի Առավել թույլ զարգացած երկրների Չորրորդ համաժողով, ապա մի քանի տասնյակ երկրների ղեկավարների շարքում ՀՀ նախագահը նույնպես հրավիրվածների կազմում է, եւ ՄԱԿ-ի համապատասխան ծառայությունների հետ մասնակցության հարցը քննարկվում է աշխատանքային կարգով:
Երկրորդ հարցի վերաբերյալ ուզում եմ տեղեկացնել, որ Թուրքիայի իշխանությունների հետ երկկողմ հանդիպումներ առաջիկայում չեն նախատեսվում:
Հիշեցնենք, որ ավելի վաղ NEWS.am-ը հայտնել էր, որ ըստ թուրքական Zaman թերթի, Թուրքիայի Ստամբուլ քաղաքում մայիսին տեղի ունենալիք ՄԱԿ-ի կոնֆերանսին հրավիրվել է նաեւ Հայաստանի նախագահ Սերժ Սարգսյանը:
Zaman-ն ուշադրություն է դարձրել այն հանգամանքի վրա, որ մայիսի 9-13-ին Ստամբուլում տեղի ունենալիք ՄԱԿ-ի կոնֆերանսին հրավիրվել են նաեւ Հայաստանի, Իսրայելի, Ֆրանսիայի նախագահները: Սպասվում է, որ կոնֆերանսին կմասնակցի 50-60 նախագահ եւ մոտ 100 նախարար: Նշենք, որ ավելի վաղ Թուրքիայի նախագահը հաստատել էր միայն Իսրայելի նախագահին հրավիրելու փաստը:
