Նախիջեւանում քաղաքացիական հասարակության եւ ընդդիմության ներկայացուցիչները շարունակում են հացադուլը, որն սկսվել էր ապրիլի 11-ին` քաղաքացիների իրավունքներն ու ազատությունները հարգելու պահանջով:

Այդ մասին հաղորդում է ադրբեջանական «Թուրան» գործակալությունը:

«Ումիդ» կուսակցության ներկայացուցիչ Ֆաիկ Ալիեւին եւ լրագրող Հաքիմելդոստու Մեհթիեւին միացել է Նախիջեւանի բնակիչ Ահմեդ Իսմայլովը: Հացադուլն իրականացվում է «Ումիդ» կուսակցության գրասենյակում, իսկ դրա մասնակիցները պահանջում են դադարեցնել ընդդիմադիրների հետապնդումները:

Հացադուլի մասնակիցներն առաջ են քաշել «Ազատություն քաղբանտարկյալներին», «Վերջ դրեք կոռուպցիային», «Ազատություն ապրիլի 2-ի հանրահավաքի համար ձերբակալվածներին» կարգախոսները:

Հացադուլի մասնակիցները դիմել են առողջապահության նախարարությանը` ակցիայի մասնակիցներին հետեւելու համար, սակայն որեւէ բժիշկ չի այցելել նրանց: