Ոստիկանությունը մի տղամարդու է ձերբակալել է, ով հինգշաբթի հրկիզել էր Բրազիլիայի նախագահի աշխատանքային նստավայրի դիմացով անցնող ավտոբուսը: Այս կերպ նա արտահայտել է իր բողոքը պետության ներկայիս ղեկավար Ժաիր Բոլսոնարուի վարած քաղաքականության դեմ, հայտնում է ՏԱՍՍ-ը՝ վկայակոչելով Globo հեռուստաալիքը:

Հեռուստաալիքին տված հարցազրույցում ավտոբուսի հսկիչը հայտնել է, որ ուսապարկով եւ ձեռնափայտով տղամարդը ավտոբուս էր մտել, նստել էր սրահի վերջին նստարանին եւ շատ բնական էր իրեն պահում: Ոչ նա, ոչ ավտոբուսի վարորդը չեն նկատել, թե ինչպես է տղամարդը բենզին լցնում եւ վառում այն ​​անմիջապես երկրի ղեկավարի աշխատանքային նստավայրի դիմաց: Դրանից հետո տղամարդը դուրս է եկել ավտոբուսից, բղավել էր «Բոլսոնարու, հեռացիր» եւ փախել է, հայտնել են ականատեսները:

Ոստիկանությունը ձերբակալել է 36-ամյա կասկածյալին: Միջադեպի արդյունքում ավտոբուսում գտնվողներից ոչ ոք չի տուժել: Ավտոբուսի մարման համար հրշեջ-փրկարարական ջոկատ էր ժամանել: