Բարսելոնայի քաղաքապետարանը մտադիր է սեփականատերերից խլել քաղաքում տեղակայված մոտ 200 բնակարան, եթե դրանք եւս մեկ ամիս դատարկ մնան: Այդ մասին հայտնում է Noticia.ru-ն:

Բոլոր օբյեկտները պատկանում են խոշոր ընկերություններին եւ կազմակերպություններին, մոտ կեսը՝ իսպանական Sareb պետական բանկին, որը հատուկ ստեղծվել է խնդրահարույց եւ պահանջարկ չունեցող անշարժ գույքը կառավարելու համար: Կայքի տեղեկություններով՝ բնակարանները արդեն երկու տարի դատարկ են, եւ այժմ նրանց տերերին տրվել է վերջնագիր՝ կա՛մ ինչ-որ մեկը զբաղեցնում է բնակելի տարածքը, կա՛մ դրանք անցնում են քաղաքային իշխանությունների տրամադրության տակ:

Գնորդներ կամ վարձակալներ գտնելու համար սեփականատերերին տրվել է 30 օր: Տեսանելի ապագայում Բարսելոնայի քաղաքապետարանը մտադիր է որոշել պահանջարկ չունեցող անշարժ գույքի եւս 230 օբյեկտների ճակատագիրը: