Ռուսաստանում իսրայելի դեսպանատան զինվորական ատաշե Վադիմ Լեյդերմանը ձերբակալվել է, այնուհետեւ արտաքսվել Ռուսաստանից լրտեսության կասկածանքով, հաղորդում է Haaretz-ը:

Պարբերականի տվյալներով, նա արտաքսվել է մայիսի 12-ին: Իսրայելի պաշտպանության նախարարությունը լրտեսության մեղադրանքները «անհիմն» է համարել:

Հատկանշական է, որ իսրայելցի դիվանագետի արտաքսումը տեղի է ունեցել նույն օրը, երբ Մոսկվա էին այցելել Իսրայելի խորհրդարանի պատգամավորները: Ռուսական հատուկ ծառայությունների աշխատակիցները Լեյդերմանին ձերբակալել են պատգամավորների հետ ճաշի ժամանակ: