նախընտրելի դարձնել
Հայաստանի իշխանությունները պետք է ելք գտնեն այն իրավիճակից, որ ստեղծվել է ԵՏՄ երկրներ վերաարտահանման համար ներմուծված մեքենաների հետ կապված: Այս մասին հայտարարեց ՀՀ երկրորդ նախագահ Ռոբերտ Քոչարյանը` մի խումբ տնտեսական լրագրողների հետ հանդիպման ժամանակ:
Մեկնաբանելով այն իրավիճակը, երբ մոտ 90 հազար մեքենա է ներմուծվել, իսկ շուկան փաստացի փակ է, նախկին նախագահը համառոտ նկարագրեցիշխանությունների գործողությունները՝ ժողովրդական լեզվով ասած՝ գցեցին: Քոչարյանի խոսքերով՝ պետությունը պարտավոր էր բացատրել իրավիճակը: «Արդեն անցած տարվա հուլիս-օգոստոս ամիսներին պարզ էր, որ ինչ-որ բան է կատարվում, ինչը կարող էր բերել մարդկանց համար վատ հետեւանքների: Աշնանը թվերը սկսեցին բարձրանալ: Սեպտեմբերին իշխանությունները ստիպված էին այնքան պարզ բացատրել, որ նույնիսկ միացված հարթուկն էր խոսում այդ մասին: Պետք էր հավաքել ներկրողներին եւ զգուշացնել նրանց: Մենք դա չարեցինք, քանի որ ներմուծողները հարկեր են վճարում»,- ասաց Քոչարյանը: «Պետությունը նման դեպքերում պարտավոր է տեղեկացնել ռիսկերի մասին: Ի վերջո, դու օգտվում ես դրանից, փողեր ես հավաքում, որից հետո պարգեւավճարներ ես տալիս: Հոկտեմբեր-դեկտեմբեր ամիսներին պետք էր սահմանափակումներ մտցնել, որպեսզի նման իրավիճակ չառաջանա: Դրա փոխարեն ներկրողներին խրախուսում էին, նույնիսկ ընդլայնեցին մաքսատունը, տեղափոխեցին Գյումրի: Պետությունը չի կատարել իր պարտավորությունները, ինչը նշանակում է, որ նա կամ պետք է լուծում գտնի կամ վնասը կիսի: Կարծում եմ՝ լուծում կարելի է գտնել գործընկերների հետ բանակցելով: Կա նաեւ այլ տարբերակ: Պետությունը, կառավարությունը գիտե՞ր, թե՞ ոչ: Պարտավոր էր իմանալ: Եթե չգիտեր, երեւույթին պետք է այլ սահմանում տրվեր: Եթե չեմ սխալվում, այն ժամանակ հրապարակումներ եղան, մարդիկ նախազգուշացնում էին, ճիշտ է՝ դա իշխանությունները չէին անում»,- նշեց նախկին նախագահը:
Քոչարյանը հիշեցրեց, որ արտաքին կապերի էական բլոկը երկրի տնտեսական շահերի համար քայլեր է կազմում։ «Պետք է հասկանալ, որ դիվանագիտությունն ու արտաքին հարաբերությունները սելֆիի համար չեն, այլ երկրի տնտեսական շահերը ապահովելու համար: Մարդը գրավ է դրել իր տունը, որպեսզի մեքենա ներկրելի, եւ նրա խնդիրը չէ, որ պետությունը չի կատարել իր գործառույթները: Քանի որ չես կատարել, բարի եղիր հարցը լուծել»,- ասաց Քոչարյանը՝ վստահություն հայտնելով, որ այն լուծելու հնարավորություն կա, բայց պետք է լինի մեկը, ով կլուծի, ով կզանգի:
Պատասխանելով բանկային ոլորտում հսկայական բացասական բալանսի մասին հարցին՝ նախկին նախագահը հիշեցրեց այնպիսի երեւույթի մասին, ինչպիսին վարքագծային տնտեսագիտությունն է եւ տնտեսական հոգեբանության հայեցակարգը: «Դրանք ավելի ցայտուն են արտահայտվում ճգնաժամի եւ փոփոխությունների ժամանակ: Ամբողջ իմաստն այն է, որ մարդկանց վարքագիծը հիմնականում իռացիոնալ է: Չեմ կարծում, որ որեւէ մեկը կատարել է նման վերլուծություններ եւ իրավիճակը գնահատել է այս տեսանկյունից: Բայց դա շատ բան է բացատրում: Կենտրոնական բանկը պետք է հասկանա, պրոֆեսիոնալ թիմը պետք է հասկանա: Բիզնեսի համար ամենավատն այն է, երբ անհասկանալի է, թե ինչ է կատարվում»,- ամփոփեց նախկին նախագահը:
