նախընտրելի դարձնելԱյսօր` ժամը 14:30-ի սահմաններում անհայտ քաղաքացին ահազանգել է ոստիկանության Էրեբունու բաժին եւ հայտնել, որ Սարի թաղի 23 փողոցին հարակից լճակում դիակ կա:
Ինչպես NEWS.am-ին հայտնեց ֆոտոլրագրող Գագիկ Շամշյանը, դեպքի վայր են ժամանել էրեբունու բաժնի օպերատիվ քննչական խումբը` բաժնի պետ Գրիգոր Գրիգորյանի գլխավորությամբ, նաեւ Էրեբունու բաժնի պետ տեղակալ Ռազմիկ Հովհաննիսյանն ու պարեկային ծառայության աշխատակիցները:
Դեպքի վայր են ժամանել Հայաստանի ԱԻՆ փրկարար ծառայության փրկարարները, ովքեր պարանների միջոցով հանեցին դիակը:
Դատաբժիշկը դիակի զննման աշխատանքներ է կատարել, պարզվել է, որ մահացածը Սարի թաղի բնակիչ, 84-ամյա Արտաշես Հակոբյանն է:
Դեպքի վայրում է նաեւ դիակ տեղափոխող մեքենան, որպեսզի դիակի զննումից հետո այն տեղափոխվի դիահերձարան: Դիակի վրա, նախնական տեղեկություններով, բռնության հետքեր չկան:
Լուսանկարները եւ տեսանյութը՝ Գագիկ Շամշյանի
