նախընտրելի դարձնելԻտալիայի վարչապետ Սիլվիո Բեռլուսկոնին հայտարարել է, թե Միլանի քաղաքապետի ընտրություններում իր թեկնածուի պարտության դեպքում քաղաքը կարող է վերածվել օտարերկրացիների կողմից շրջապատված գնչուական թափառախմբի:
BBC-ի փոխանցմամբ, կառավարության ղեկավարի անհարգալից արտահայտությունը հանգեցրել է գործող քաղաքապետ Լետիցիա Մորատիի պարտությանը առաջին փուլում: Բեռլուսկոնիի կուսակիցը 6,4 տոկոս ավելի քիչ է ստացել, քան Ջուլիանո Պիսապիան:
«Միլանը չպետք է վերածվի իսլամական քաղաքի կամ գնչուական ճամբարի` շրջապատված օտարերկրացիներով, որոնց ձախերն ուզում են քվեարկելու իրավունք տալ»,- ասված է Բեռլուսկոնիի կուսակցության կայքում զետեղված հայտարարության մեջ:
Միլանի քաղաքապետի ընտրությունների երկրորդ փուլը կայանալու է մայիսի 29-30-ին:
