Նախընտրելի
«Երրորդ ուժ» քաղաքացիական նախաձեռնության ձեւավորման հիմնական, եթե ոչ միակ պատճառը երկրի ներկայիս իրավիճակն է: 44-օրյա պատերազմում մեր ժողովրդի համար ծանր պարտությունը նոր օրակարգ է թելադրում: Այս մասին այսօր հանրահավաքի ժամանակ ասաց «Երրորդ ուժ» նախաձեռնության անդամ, «Թովմասյան» հիմնադրամի նախագահ Արտակ Թովմասյանը:
Նա խոստովանեց, որ երբեք չի մտածել քաղաքականությամբ զբաղվելու մասին:
«Ես ծրագրեր չեմ ունեցել որեւէ իշխանամետ քաղաքական ուժի հետ: Ես չեմ ծրագրել աշխատանքի տեղավորվել: Ցավոք, այսօրվա անցանկալի հանգամանքների պատճառով մենք որոշեցինք նոր քաղաքական ուժ ստեղծել եւ գնալ ընտրությունների»,-ասաց Թովմասյանը՝ հավելելով, որ իր նպատակն է գործող կառավարության հրաժարականը:
