նախընտրելի դարձնել«Ինտեր ՌԱՕ ԵԷՍ» ընկերությանը չի հաջողվել վերականգնել էներգամատակարարումը Բելառուսին: Հոլդինգի ներկայացուցիչները հաղորդել են, որ ուշացման պատճառները տեխնիկական են, հայտնել է «Ռոսիա 24» հեռուստաալիքը:
Ծրագրվում էր, որ մատակարարումը կվերսկսեր հունիսի 30-ի կեսգիշերից: Ընկերությունում հաստատել էին, որ Բելառուսից ստացել են 600 մլն ռուբլի` ապրիլի պարտքի դիմաց:
«Ինտեր ՌԱՕ-ի» պաշտոնական ներկայացուցիչ Անտոն Նազարովը հայտնել էր, որ ընկերությունը տեխնիկական հնարավորություն ունի մատակարարումը հունիսի 30 -ին, ժամը 00:00 -ին սկսելու համար:
Նշենք, որ «Ինտեր ՌԱՕ ԵԷՍ»-ը Բելառուսին էներգամատակարարումը դադարեցրել էր հունիսի 29-ին` պարտքի պատճառով:
