նախընտրելի դարձնելՍիրիայում հուլիսի 1-ին հակակառավարական բողոքի ակցիաները ցրելու ժամանակ 24 մարդ է զոհվել: Հոմս քաղաքում, որտեղ ապրիլի սկզբից բողոքի ակցիաները շարունակվում են, զոհվել է 9 մարդ, եւս 14-ը սպանվել են Իդլիբ նահանգում, որտեղ իրավիճակը կտրուկ սրվել էր հունիսի սկզբին, գրում է Lenta.ru-ն:
Երկրում շարունակվում են նաեւ հետապնդումները: Շաբաթվա սկզբին կալանավորվել էր մոտ հազար մարդ:
Հուլիսի 1-ի բողոքի զանգվածային ակցիաներին, ըստ Reuter-ի, մասնակցել են տասնյակ հազարավոր մարդիկ, ինչը թույլ է տալիս ասել, որ վերջին երեք ամսում դրանք ամենախոշոր ակցիաներն էին:
Սիրիական ընդդիմությունը հանդես է եկել հուլիսի 16 -ին Դամասկոսում «Ազգային փրկության» համաժողով անցկացնելու առաջարկով: Reuter-ը փոխանցում է, որ համաժողովի նպատակը «ազգային փրկության կառավարության» անցման ուղիների քննարկումն է, ինչը նոր սահմանադրության եւ ազատ ընտրությունների հիմք կլինի:
