Մեծ Բրիտանիայի կառավարությունը վերականգնել է մեծահասակների համար կայքերի օգտատերերի տարիքը ստուգելու վերաբերյալ ծրագրերը, հաղորդում է The Verge-ը: Այս նախաձեռնությունը 2019 թվականին չեղարկվել է տեխնիկական խնդիրների եւ արշավի մասնակիցների կողմից քննադատության պատճառով։

Նոր կանոնները կդառնան ինտերնետում անվտանգության մասին Մեծ Բրիտանիայի օրինագծի, երկրում թվային հարթակների կարգավորման կարգը փոխելու հսկայական օրենսդրական ակտի մի մասը: Սկզբում նախատեսվում էր, որ միայն օգտատերերի բովանդակության հետ կապված պոռնո կայքերը, ըստ OnlyFans-ի տեսակի, պետք է ստուգեն օգտատերերի տարիքը, սակայն նորացված տարբերակը կվերաբերի բոլոր պոռնոգրաֆիկ կայքերին։

Կոնկրետ մանրամասներ, թե ինչպես է իրականացվելու այցելուների տարիքի ստուգումը, դեռ չկան։ Հաղորդվում է, որ ընկերություններն իրենք կորոշեն, թե ինչպես պահպանել նոր կանոնները։

Փորձագետները, ինչպես եւ 2019 թվականին, մի շարք կասկածներ են հայտնում օգտագործողի տվյալների անվտանգության վերաբերյալ: Նշվում է, որ պոռնոկայքերի օգտատերերի տվյալների բազաների ստեղծումը «համեղ պատառ»  կդառնա հաքերների համար, որոնք կարող են զբաղվել շանտաժով կամ շորթմամբ։

Մեծ Բրիտանիայի կառավարությունը հայտարարել է, որ մեծահասակների համար կայքերի այցելուների տարիքը ստուգելու հնարավոր մեթոդները կարող են ներառել բջջային կապի օպերատորի մոտ պահվող տվյալների, վարկային քարտի եւ անձնագրային տվյալների միջոցով ստուգում։

Այն կայքերը, որոնք չեն կիրառելու  տարիքի ստուգումը,  կարող են արգելափակվել Մեծ Բրիտանիայի տարածքում եւ տուգանվել իրենց տարեկան եկամտի 10 տոկոսով։