նախընտրելի դարձնել«Նորվեգացի հրաձիգ» Անդերս Բրեյվիկի հայրն ինտերնետի միջոցով իմացել է, որ իր որդին մի քանի տասնյակ մարդու է սպանել: Պարզվել է, որ նա որդու հետ չի առնչվում 1995 թվականից: Ֆրանսիայի ոստիկանությունը կիրակի երեկոյան եղել է Յենս Բրեյվիկի՝ Ֆրանսիայի հարավում գտնվող տանն ու այդտեղ մի քանի ժամ է անցկացրել: Սակայն, հայտնի չէ, արդյոք Բրեյվիկը հարցաքննվել է, թե` ոչ, հայտնում է «ՌԻԱ Նովոստին»:
«Ես որդուս հետ չեմ առնչվում 1995 թվականից, երբ նա 15-16 տարեկան էր: Ես կարդացել եմ թերթեր, եւ պատահաբար տեսա նրա անունն ու լուսանկարը: Դա ինձ համար իսկական շոկ էր, դեռեւս խելքի չեմ եկել»,-լրագրողներին հայտնել է նրա հայրը: Լրատվամիջոցների հաղորդմամբ՝ ոստիկանության այցելությունից հետո հայրը անմիջապես մեկնել է Իսպանիա, որպեսզի խուսափի լրագրողների հետ հանդիպումից:
Մինչ այդ Անդերս Բրեյվիկը, ով Oսլոյի կենտրոնում պայթյուն էր իրականացրել, ինչից հետո Ուտոյա կղզում տեղակայված երիտասարդական ճամբարում արյունալի բախում կազմակերպել, պահանջում է իր գործի առնչությամբ լսում կազմակերպել բաց ռեժիմով: Այդ մասին, ինչպես հաղորդում է «Ֆրանս-Պրեսս»-ը, հայտնել է Բրեյվիկի փաստաբանը: Նրա խոսքով՝ իր պաշտպանյալը ցանկանում է հանրությանը հայտնել իր կատարած արարքի դրդապատճառների մասին: Բացի այդ, ահաբեկիչը թույլտվություն է խնդրել դատարանի առաջ կանգնել համազգեստով: Բաց կամ փակ ռեժիմով դատական պրոցես սկսելու որոշումը կկայացվի դատական առաջին նիստի ժամանակ, որը տեղի կունենա հուլիսի 25-ին:
