Նախընտրելի
Աշխատանքային այցով 2022 թվականի հունիսի 8-12-ը Ստրասբուրգ (Ֆրանսիայի Հանրապետություն) կգործուղվի Ազգային ժողովի նախագահ Ալեն Սիմոնյանի գլխավորած պատվիրակությունը։
ԱԺ-ից NEWS.am-ին հայտնում են, որ պատվիրակության կազմում է նաև Ազգային ժողովի պետական-իրավական հարցերի մշտական հանձնաժողովի նախագահ Վլադիմիր Վարդանյանը։ Ալեն Սիմոնյանի հետ Ստրասբուրգ կմեկնեն նաև օգնականն ու խորհրդականը։
Ազգային ժողովի աշխատակազմի ղեկավար-գլխավոր քարտուղար Վահան Նարիբեկյանին հանձնարարվել է գործուղման հետ կապված ճանապարհածախսի (Վ. Վարդանյան՝ Բեռն-Ստրասբուրգ-Երևան), ներկայացուցչական ծախսերի, օրապահիկի և գիշերավարձի՝ ըստ փաստացի կատարած ծախսերը հավաստող փաստաթղթերի վճարումը կատարել Հայաստանի Հանրապետության 2022 թվականի պետական բյուջեով Ազգային ժողովին այդ նպատակի համար հատկացված միջոցների հաշվին։
