նախընտրելի դարձնելՕգոստոսի 25-ին`ժամը 11.47-ին ահազանգ է ստացվել, որ Լոռիի մարզում` Վանաձոր-Ալավերդի ավտոճանապարհի 6-րդ կմ-ի հարակից ձորը քաղաքացի է ընկել: Տուժածին ձորից դուրս բերելու համար անհրաժեշտ է եղել փրկարարների օգնությունը:
Հայաստանի ԱԻՆ փրկարար ծառայությունից NEWS.am-ին հայտնում են, թե դեպքի վայր է մեկնել մարզային փրկարարական վարչության փրկարարական ջոկատը:
Տեղում պարզվել է, որ Երեւան քաղաքի բնակիչ, 33-ամյա Արման Բերեկչյանը սայթաքել եւ ընկել է ձորը:
Փրկարարների ուժերով, թեթեւ քերծվածքներ ստացած Ա.Բերեկչյանը դուրս է բերվել ձորից:
