Թերթը գրում է, որ իր տեղեկություններով երեկ ձերբակալված Ճանապարհային ոստիկանության պետ Մարգար Օհանյանի եղբայրը` Նոր Նորքի ոստիկանության պետ Մուշեղ Օհանյանը, այսօր-վաղը աշխատանքից ազատվելու դիմում է ներկայացնելու: «Ուշ երեկոյան տեղեկացանք,որ նա իր աշխատասենյակում իրերն է հավաքում: Հիշեցնենք, որ, ըստ մամուլի հրապարակումների, Ճանապարհային ոստիկանության պետ Մարգար Օհանյանի ու ոսոտիկանապետ Ալիկ Սարգսյանի միջեւ հակասությունները սրվել են այն բանից հետո, երբ Մուշեղ Օհանյանն իր աշխատասենյակի պետից հանել է ոստիկանապետի լուսանկարը»,- գրում է «Հրապարակ»-ը: