նախընտրելի դարձնել
Թուրքիայում ավերիչ երկրաշարժից հետեւանքով վնասվել են Հաթայ նահանգի երեք հայկական եկեղեցիները, որոնցից մեկն ամբողջությամբ փլվել է։ Ինչպես NEWS.am-ը տեղեկանում է Պոլսո Հայոց պատրիարքարանից, Քըրըքխանի Սուրբ Գրիգոր Լուսաւորիչ Եկեղեցու տանիքը, որը նախկինում փլված էր,երկրաշարժից հետո ամբողջությմաբ փուլ է եկել։
Վաքըֆ գյուղի Սուրբ Աստուածածին Եկեղեցին չի վնասվել, միայն Սուրբ Սեղանի սրբանկարի տեղադրված բաժինչի մեջ փոքր վնասներ են առաջացել։
Նաեւ եկեղեցու կողքին գտնվող աղբյուրի պատը փուլ է եկել։
Իսքենդերունի Սրբոց Քառասնից Մանկանց Եկեղեցին նույնպես ներսի հատվածում վնասներ է կրել, որոնք հնարավոր է վերանորոգմամբ շտկել:
Նշվում է, որ Սուրբ Աստվածածին եկեղեցում եւ Սրբոց Քառասնից Մանկանց Եկեղեցում ներսի մաքրման եւ շտկման աշախատանքներ են իրականացվում:
