Թերթը գրում է, որ առաջիկայում պաշտոնանկ կարվի ՀՀ զինված ուժերի գլխավոր շտաբի պետ Յուրի Խաչատուրովը: «Իրազեկ աղբյուրների փոխանցմամբ` Խաչատուրովին աշխատանքից ազատելու մասին հրամանագիրն արդեն պատրաստ է, եւ մնում է, որ Սերժ Սարգսյանը Հայաստան վերադառնալուն պես ստորագրի այն: Այս տեղեկությունները ՊՆ-ից ճշտել չհաջողվեց, քանի որ այնտեղից ասացին, թե ԶՈՒ շտաբի պետին նշանակել-ազատելու իրավասությունը նախագահինն է: Իսկ Սերժ Սարգսյանը դեռ Ֆրանսիայում է»,- գրում է «Ժողովուրդ»-ը: