նախընտրելի դարձնել
Հարավաֆրիկյան Հանրապետության դատարանը որոշել է հրապարակել նախագահ Սիրիլ Ռամապոզայի գաղտնի պատասխանն ընդդիմադիր «Դեմոկրատական դաշինք» կուսակցության պահանջին՝ կառավարությանը պարտավորեցնել կատարել Միջազգային քրեական դատարանի որոշումը՝ կապված ՌԴ նախագահ Վլադիմիր Պուտինի ձերբակալման հրամանի հետ, գրում է Citizen-ը։
Գարնանը «Դեմոկրատական դաշինք» կուսակցությունը դատական կարգով պահանջել էր նախարարների կաբինետին պարտավորեցնել կատարել Պուտինին ձերբակալելու դատարանի որոշումը, եթե նման խնդրանքն ուղղվի հարավաֆրիկյան իշխանություններին՝ ՌԴ նախագահի ազգային տարածքում գտնվելու դեպքում, գրում է ТАСС-ը։
Հունիսի վերջին նախագահը դատարան է ներկայացրել Միջազգային քրեական դատարանի վճռի հետ կապված իշխանությունների հնարավոր գործողությունների վերաբերյալ տեղեկատվություն, որը ենթակա չէ բացահայտման։ Հարավային Աֆրիկայի նախագահի խոսնակ Վինսենթ Մագվենիան ասել է, որ Միջազգային քրեական դատարանը համագործակցության խնդրանքի փաստի վերաբերյալ գաղտնիություն է պահանջում։
Կուսակցության առաջնորդ Ջոն Սթինհաուզենն ավելի վաղ շեշտել էր, որ Դեմոկրատական դաշինքը դատարանում կձգտի նախագահի պատասխանից հանել գաղտնիությունը, դատարանը բավարարեց այս պահանջը:
