նախընտրելի դարձնելԹեեւ շաբաթվա սկզբից սոցիալական «Twitter» եւ «Facebook» ցանցերը եւ խմբագրությունները քննարկում էին միայն Կարլա Բրունի-Սարկոզիի ծննդաբերության թեման, իսկ որոշները նույնիսկ հաղորդեցին, թե նա արդեն ծննդաբերել է, ընդ որում` երկվորյակների, սակայն դա այդպես չէ:
Ֆրանսիական «Purepeople.com» կայքը փոխանցել է, թե խոշոր թերթերի եւ ամսագրերի լրագրողները սպասում են Փարիզի 16-րդ օկրուգի Նիկոլո փողոցի վրա գտնվող «Muette» կլինիկայի մոտ:
Սակայն դեռ ոչ մի նորություն չկա: Ֆրանսիայի առաջին տիկինն առայժմ հանգստանում է 16-րդ օկրուգում գտնվող իր տանը:
Խնդիրն այն է, որ ոստիկանության աշխատակիցները պապարացիներին եւ պաշտոնական լուսանկարիչներին հրահանգել էին ազատել Նիկոլո փողոցը հոկտեմբերի 9 -ին, առավոտյան ժամը 9-ի մոտակայքում, հակառակ դեպքում ավտոմեքենաները կհանվեն:
Եւ պետք չէ հանճար լինել` հասկանալու համար, որ ծննդաբերությունը նախատեսվում է վաղը, եւ որ Կարլան կարող է կլինիկա գնալ գիշերը կամ վաղն առավոտյան:
