Ռուսաստանի Դաշնության կառավարությունը Նորվեգիան ներառել է օտարերկրյա պետությունների ցանկում, որոնք անբարյացակամ գործողություններ են իրականացնում արտասահմանում Ռուսաստանի դիվանագիտական ​​և հյուպատոսական ներկայացուցչությունների դեմ։

Ինչպես ասվում է ՌԴ Նախարարների կաբինետի կայքում, որոշումը նախատեսում է սահմանափակումներ ընդհուպ լիակատար արգելք անբարյացակամ երկրների համար Ռուսաստանի  տարածքում գտնվող անձանց  դեսպանատներում, հյուպատոսություններում, պետական ​​մարմինների ներկայացուցչություններում  և  պետական ​​հիմնարկներում աշխատանքի ընդունելու հնարավորությունը։  

2021 թվականի մայիսին սահմանափակումներ էին մտցվել ԱՄՆ-ի և Չեխիայի, իսկ 2022 թվականի հուլիսին՝ Հունաստանի, Դանիայի, Սլովենիայի, Խորվաթիայի և Սլովակիայի դիվանագիտական ​​ներկայացուցչությունների նկատմամբ։

Հաստատված ցուցակը վերջնական չէ և, հաշվի առնելով արտերկրում ռուսական առաքելությունների դեմ օտարերկրյա պետությունների շարունակվող թշնամական գործողությունները՝ կարող է ընդլայնվել։