նախընտրելի դարձնելԵրեւանում, հոկտեմբերի 10-ին, ժամը 17.00-ի սահմաններում, «ՎԱԶ-21099» մակնիշի ավտոմեքենան ընկել է ջրատարը:
Ոստիկանության մամուլի ծառայությունից NEWS.am-ին հայտնում են, որ «ՎԱԶ-21099»-ը, Մուրացանի փողոցի 6-րդ նրբանցքում, «ՎԱԶ-2107» մակնիշի ավտոմեքենային բախվելուց խուսափելու համար, դուրս է եկել ճանապարհի բանուկ մասից եւ ընկել ճանապարհի աջակողմյան ջրատարը:
«ՎԱԶ-21099»-ի վարորդը մարմնական վնասվածքներով տեղափոխվել է հիվանդանոց:
Երեւանում եւս մեկ ավտովթար է տեղի ունեցել հոկտեմբերի 10-ին, առավոտյան ժամը 09:00-ի սահմաններում: Բագրատունյաց պողոտայի բենզալցակայանում, «Իսուզու» մակնիշի ավտոմեքենան բախվել է լիցքավորման համար կայանված «Մերսեդես» մակնիշի ավտոմեքենային, որն էլ հարվածել է 20-ամյա լիցքավորողին:
Տուժողը մարմնական վնասվածքներով տեղափոխվել է հիվանդանոց:
Կատարվում է քննություն:
