նախընտրելի դարձնել
Սրբազան Հայաստան» մշակութային կենտրոնը նախատեսում է տեղի գլխավոր դատախազություն բողոք ներկայացնել Little Big խմբի ֆրոնտմեն Իլյա Պրուսիկինի դեմ, տեղեկացրել է aif.ru-ն։
«Մի քանի ամիս առաջ այդ մարդը Սուրբ Ծննդյան օրը հոգեւորականի հանդերձ էր հագել, անարգել քրսիտոնեական խաչը՝ այն օգտագործելով որպես սքեյթբորդ՝ դրանով իսկ անարգելով քրիստոնեական արժեքներն ու վիրավորելով քրիստոնյաների կրոնական զգացումները»,- նշվել է բողոք ներկայացնողների հաղորդագրությունում։
Նրանք նախատեսում են բողոքը ներկայացնել օգոստոսի 9-ին, իսկ Little Big-ի գալիք համերգը Երեւանում նախատեսված է օգոստոսի 12-ին։
Հունվարին Պրուսիկինը, որը տեղափոխվել էր ԱՄՆ Ուկրաինայում ռուսական ռազմական հատուկ գործողությունն սկսվելուց հետո, տեսանյութ է տեղադրել, որտեղ սահում է սքեյդբորդով, որը կաթոլիկական խաչի տեսք ունի։ Ռուսաստանում այդ տեսանյութին արձագանքել է գերապատիվ Ֆյոդորի տաճարի ավագերեց քահանա Դմիտրի Լինը։
«Եթե նա ուղղափառ քրիստոնյա է մկրտության փաստով, ապա ես կոչ եմ անում նրան ապաշխարել։ Եթե ոչ, ապա ապաշխարելու մասին խոսք լինել չի կարող։ Վատ չէր լինի, եթե նա ներողություն խնդրեր»,- ասել է հոգեւորականը։
Լինն ավելացրել է, որ երաժիշտը անարգել է քրիստոնեական խորհրդանշանները, ինչի համար Ռուսաստանում քրեական պատիժ է սահմանված։
