Զապորոժիեի ԱԷԿ-ում դիտարկվում է   6-րդ  էներգաբլոկը «տաք անջատման» վիճակի փոխադրելու հնարավորությունը։ Այս մասին հայտնում է ատոմակայանի մամուլի ծառայությունը։

Զապորոժիեի  ԱԷԿ-ի 4-րդ բլոկի շահագործման ընթացքում կայանի անձնակազմը   3-րդ  շոգեգեներատորի խողովակային հատվածում ամրության թուլացման  նշաններ է հայտնաբերել։ Աշուն-ձմեռ շրջանը հուսալիորեն անցկացնելու և սարքավորումները լավ վիճակում պահելու համար որոշվել է  4-րդ  էներգաբլոկի ռեակտորի կայանը փոխադրել  «սառը անջատման» վիճակի։ Զապորոժիեի ԱԷԿ-ի գոլորշու սեփական  կարիքները բավարարելու համար դիտարկվում է   6-րդ էներգաբլոկը «տաք անջատման» վիճակի բերելու հարցը։

Ինչպես հայտնում է UNIAN-ը, այս գիշեր ժամանակավորապես օկուպացված Զապորոժիեի ատոմակայանը դադարել է սնուցվել 750 կՎ լարման հիմնական արտաքին էլեկտրահաղորդման գծով։ Դրանից հետո Զապորոժիեի ԱԷԿ-ը ստիպված է եղել անցնել միակ հասանելի պահուստային գծին՝ 330 կՎ, որի անջատումը հղի է  արտաքին հոսանքի կորստով։

Այս սցենարի դեպքում միջուկային և ռադիացիոն անվտանգության հիմնական սպառնալիքը Զապորոժիեի ԱԷԿ-ի 4-րդ էներգաբլոկի առկայությունն է «տաք անջատման» վիճակում։ Էներգոատոմը պարզաբանում է, որ այս ռեժիմով աշխատելը դժվար է ռեակտորային կայանի համար։ Դրա երկարատև օգտագործումը կարող է հանգեցնել էներգաբլոկի հիմնական սարքավորումների խափանմանը։