նախընտրելի դարձնելԲելառուսի նախագահ Ալեքսանդր Լուկաշենկոն իր համաձայնությունն է տվել Ռուսաստանի հետ ատոմակայանի կառուցման պայմանագիր կնքելուն:
«Ես միայն այսօր եմ ստորագրել եւ համաձայնություն տվել Ռուսաստանի հետ պայմանագիր կնքելուն` նոր ատոմակայանի ստորագրման վերաբերյալ»,- ասել է Լուկաշենկոն Նովգորոդի նահանգապետ Սերգեյ Միտինի հետ հանդիպմանը:
«Այդ որոշումը թանկ կարժենա Բելառուսի համար, եւ մենք երախտապարտ ենք ռուսական ղեկավարությանը, որ նրանք պահել են խոստումը չնայած բոլոր կողմերից խիստ ճնշմանը»,- նկատել է Բելառուսի նախագահը, հաղորդում է ՌԻԱ-Նովոստին:
Նրա խոսքով, ատոմակայանի շինարարության հարթակում բելառուսական կողմն արդեն սկսել է աշխատանքները: Ատոմակայանի առաջին էներգաբլոկը նախատեսվում է շահագործման հանձնել 2017թ., երկրորդը` 2018թ.:
Գլխավոր կապալառուն ռուսական «Ատոմստրոյէքսպորտ» ընկերությունն է:
