Ռուսաստանի պաշտպանության նախարարությունը հայտնել է, որ Սև ծովի երկնքում օդ է բարձրացվել Սու-30 կործանիչը՝ ամերիկյան MQ-9A Reaper անօդաչու թռչող սարքի պատճառով։

«2023 թվականի օգոստոսի 27-ին Սև ծովի ջրերի օդային տարածքի վերահսկման ռուսաստանյան միջոցները Ռուսաստանի Դաշնության պետական ​​սահմանին մոտեցող օդային թիրախ են հայտնաբերել։

Օդային թիրախը ճանաչելու և Ռուսաստանի Դաշնության պետական ​​սահմանի խախտումը կանխելու նպատակով օդ է բարձրացվել ՀՕՊ-ի Սու-30 կործանիչը։

Կործանիչի անձնակազմը պարզել է, որ  օդային թիրախը  ԱՄՆ ռազմաօդային ուժերի հետախուզական MQ-9A «Reaper» անօդաչու թռչող սարք է եղել։

Ռուսաստանյան  կործանիչի մոտենալուն պես արտասահմանյան հետախուզական անօդաչու թռչող սարքը շրջադարձ է կատարել Ռուսաստանի Դաշնության պետական ​​սահմանից։

 Սու-30 կործանիչը բարեհաջող  վերադարձել է իր բազային օդանավակայան, Ռուսաստանի Դաշնության պետական ​​սահմանի խախտումներ թույլ չեն տրվել։

Ռուսական կործանիչի թռիչքն իրականացվել է չեզոք ջրերի վրայով օդային տարածքի օգտագործման միջազգային կանոններին համապատասխան՝ անվտանգության միջոցների պահպանմամբ։