նախընտրելի դարձնելՀայաստանի գյուղատնտեսության նախարարության սննդի անվտանգության ծառայության երեւանյան 2500 խանութներում իրականացված մշտադիտարկումները ցույց են տվել, որ խանութների 80 տոկոսը խախտում են սննդի անվտանգության պահանջները: Այդ մասին այսօր` հոկտեմբերի 18-ին լրագրողներին ասաց այդ ծառայության վերահսկողական վարչության պետ Արթուր Վարժապետյանը:
Նրա խոսքով, ավանդական են դարձել այնպիսի խախտումներ, ինչպես մակնշման թերի լինելը, կամ ժամկետամց սնունդ վաճառելը: Նշենք, որ օրենսդրության համաձայն` նման խախտումների համար նախատեսվում է 30-300 հազ. դրամ տուգանք:
Սակայն, ըստ Ա. Վարժապետյանի, իրենց ծառայությունը նախընտրում է ոչ թե վարչական լծակներ կիրառել, այլ բացատրական եւ խորհրդատվական աշխատանքներ տանել, քանի որ` «մասնագետի խոսքը ավելի մեծ կշիռ ունի, քան վարչական պատիժը»:
Ա. Վարժապետյանը հայտնեց նաեւ, որ պատրաստվում է նոր օրենքի նախագիծ, որով բոլոր տնտեսվարողներին պարտադրվելու է ընթեռնելի եւ հստակ մակնշում իրականացնել:
