Al-Arabiya հեռուստաալիքը եթերում ցուցադրել է հոկտեմբերի 20-ին Սիրտում սպանված Մուամար Քադաֆիի մարմինը:

Լիբիայում աշխատող արեւմտյան եւ արաբ լրագրողներին նույնպես ցուցադրել են սպանված Քադաֆիի դին:

Այդ կադրերը կարող են ցրել վերջին կասկածները, թե Քադաֆիի անշունչ մարմնի լուսանկարը ֆոտոշոպի արդյունք է:

Իշխանությունները մտադիր են վաղ առավոտյան թաղել Քադաֆիին գաղտնի վայրում: Լիբիական իշխանությունների պաշտոնական եզրակացությամբ Քադաֆին մահացել է գլխին ստացած վնասվածքից, հաղորդում է  ИТАР-ТАСС-ը: