նախընտրելի դարձնելԵվրախումբը Հունաստանին հերթական վարկային չափաբաժինը կհատկանցնի: Որոշումը դեռեւս պետք է հավանության արժանանա Արժույթի միջազգային հիմնադրամի կողմից: Եթե դա տեղի ունենա, հույները նոյեմբերի կեսերին կստանան այն, տեղեկացնում է BBC News-ը:
Հիշեցնենք, որ այս չափաբաժինն ստանալու համար հունական խորհրդարանը հավանության էր արժանացրել նոր հակաճգնաժամային ծրագիրը, որը նախատեսում էր բյուջետային հետագա ծախսերի կրճատում:
Հունաստանի կառավարության այս քայլը երկրում դժոգոհություններ էր առաջացրել, կազմակերպվել էին համազգային գործադուլներ, բողոքի զանգվածային ակցիաներ, բախումներ էին եղել ցուցարարների եւ ոստիկանների միջեւ:
Մասնավորապես, իշխանություններն առաջարկում են կրճատել սոցիալական կարիքներին եւ կենսաթոշակներին ուղղված ծախսերը, աշխատավարձերը, ավելացնել հարկերը եւ այլն:
Հունաստանի պետական պարտքը կազմում է ՀՆԱ-ի 162 տոկոսը: ԵՄ երկրները նոր միջոցառումներ են քննարկում` Հունաստանը դեֆոլտից փրկելու համար:
