նախընտրելի դարձնելNEWS.am-ը ներկայացնում է Ֆրանսահայ կազմակերպությունների համակարգող խորհրդի (CCAF)հայտարարությունը, որում հերքվում են այդ կազմակերպության ղեկավարության պառակտման մասին տեղեկությունները:
Հայտարարությունում, մասնավորապես, ասվում է.
«Այս շաբաթվա ընթացքում արդեն երկրորդ անգամ «Նոյյան տապան» համացանցային թերթի ֆրանսիական հրատարակությունը դարձավ կոպիտ մանիպուլյացիայի գործիք` հավատացնելով, թե Ֆրանսահայ կազմակերպությունների համակարգող խորհրդի (CCAF) փարիզյան ղեկավարության մեջ պառակտություն կա: Թերթը հայատրարել էր, թե խորհրդի երկու համանախագահները` Մուրադ Փափազյանն ու Արա Թորանյանը կեղծանունով մասնակցում են «Armenews»-ի բանավեճին: Նրանք երկուսն էլ կտրականապես հերքում են այդ կեղծ մեղադրանքները:
CCAF-ի ազգային խորհուրդը դատապարտում է նման մանյովրները, որոնք պառակտում սերմանելու եւ զրպարտանք տարածելու նպատակն են հետապնդում այդ թերթի եւ այն ֆինանսավորողի (Ռայմոնդ Եզեգելկյան) կողմից:
Ազգային խորհուրդն իր ասացիացիաներին եւ հայ համայնքին կոչ է անում առավելագույնս զգոն լինել պառակտում սերմանելու նման փորձերի նկատմամբ»:
