նախընտրելի դարձնել«WikiLeaks»-ի հիմնադիր Ջուլիան Ասանժի` Մեծ Բրիտանիայից Շվեդիային հանձնելու որոշման դեմ բողոքարկումը, կապված բռնաբարության եւ սեռական ոտնձգություններ կատարելու հետ, չի բավարարվել: Այս մասին հայտնում է BBC-ն:
Բարձրագույն դատարանի երկու դատավորներ որոշել են, որ նախկինում կայացված հանձնման որոշումը պետք է ուժի մեջ մնա:
Շվեդիայի իշխանությունները ցանկանում են, որ նա պատասխան տա անցած տարի Սթոքհոլմում մեկ կնոջ բռնաբարության եւ մեկ այլ կնոջ նկատմամբ սեռական ոտնձգություններ կատարելու եւ նրան հարկադրելու մեղադրանքներին:
Ասանժի փաստաբանները ասում են, որ կդիմեն Գերագույն դատարան:
Նրանք 14 օր ունեն գործը դատական գերագույն մարմին ուղարկելու համար` այն հիմնավորմամբ, որ այն համահասարակական նշանակության հարցեր է բարձրացնում:
Ամեն դեպքում, Ասանժի փաստաբանները պետք է առաջին հերթին բարձրագույն դատարանից բողոքարկելու թույլտվություն ստանան:
Փետրվարին շրջանային դատավոր Հովարդ Ռիդլը Վեսթմինսթերյան մագիստրոսական դատարանում գործը լսելուց հետո որոշել էր, որ Ասանժը պետք է հանձնվի Շվեդիային, որպեսզի հետաքննության ենթարկվի:
40-ամյա ավստրալացին հերքում է մեղադրանքները` ասելով, որ դրանք քաղաքական մոտիվներ ունեն:
Սակայն Բարձրագույն դատարանի դատավորները վճռել են, որ հանձնման մասին որոշումը օրինական է:
