նախընտրելի դարձնելԹուրքիայի Վան նահանգում նոյեմբերի 9ի, տեղի ժամանակով 21:23-ին տեղի է ունեցել 5,6 մագնիտուդ ուժգնությամբ երկրաշարժ, որի էպիկենտրոնը գտտնվել է Վան քաղաքից 10 կմ հեռավորության վրա գտնվող Արտամեդում:
Թուրքական Hurriyet-ի փոխանցմամբ` 5,6 մագնիտուդ ուժգնությամբ երկրաշարժից հետո գրանցվել են եւս 12 հետցնցումներ` 2,8-ից մինչեւ 4,5 մագնիտուդ ուժգնությամբ:
Վանում փլվել է 18 շենք, այդ թվում Բայրամ եւ Ասլան հյուրանոցները, որտեղ եղել են լրագրողներ եւ Կարմիր մահիկի ներկայացուցիչները: Նշվում է, որ փլատակների տակ են հայտնվել 100-ից ավել մարդ:
Անմիջապես Վան են ուղարկվել փրկարար-որոնողական խմբեր, որոնք սկսել են մարդկանց հանել փլատակների տակից:
Նշենք, որ Հայաստանի ԱԻՆ մամուլի ծառայությունից NEWS.am-ին հայտնել են, որ երկրաշարժը թույլ զգացվել է նաեւ Հայաստանի Հանրապետության արևմտյան հատվածում:
Շիրակի մարզում երկրաշարժը զգացվել է 3 բալ:
Մայրաքաղաքում զգացվել են թույլ ցնցումներ, մոտ 3 բալ:
