նախընտրելի դարձնելՔիմ Քարդաշյանը իր նախկին PR գործակալ Ջոնաթան Ջաքսոնի դեմ դատական գործընթացի համար Հոլիվուդում հայտնի փաստաբանի է վարձել: Ինչպես հաղորդում է «Daily Mail»-ը, Ջաքսոնը Քարդաշյանի 72-օրյա ամուսնությունը ֆարս էր անվանել: Նա անցած շաբաթ հայտարարել էր, թե Քարդաշյանի եւ Քրիս Համֆրիսի ամուսնությունը պլանավորված էր:
«Հարսանիքից դեռ երկու շաբաթ առաջ նա գիտեր, որ դա այն չէ, ինչ կուզենար: Սակայն, ցավոք, նրանք պետք է պահպանեին հեռտուստատեսության աշխատակիցների հետ պայմանագրի պայմանները: Հակառակ դեպքում նրանք հսկայական փողեր պետք է ծախսեին»,-իր հեռուստատեսային հարցազրույցներից մեկում աաել է Ջաքսոնը:
Քարդաշյանը որպես բարոյական վնասի փոխհատուցում պահանջում է 200,000 դոլար` հայտարարելով, որ Ջաքսոնը խախտել է գաղտնիության մասին համաձայնագիրը: Իր հերթին Ջաքսոնը պնդում է, որ իր եւ Քարդաշյանի միջեւ ոչ մի նման համաձայնագիր չի եղել:
Հիշեցնենք, որ Քիմ Քարդաշյանի եւ Քրիս Համֆրիսի շքեղ հարսանիքը տեղի էր ունեցել օգոստոսին: Արարողությունը լայնորեն լուսաբանվել էր E! հեռուստաալիքով: Սակայն հարսանիքից 72 օր անց Քարդաշյանն ամուսնալուծության հայտ էր ներկայացրել` որոշումը բացատրելով «անհաղթահարելի տարաձայնություններով»:
